Premyer Liqada 37-ci turdan irəli çəkilən qarşılaşmada “Mançester Yunayted” “Old Trafford”da “Çelsi” ilə üz-üzə gəlib.
Son 2 turda əzəli rəqibləri “Liverpul” və “Arsenal”a uduzan mankunyanlar bu dəfəki prinsipial qarşılaşmada 1 xal əldə edib. İlk hissədə qol vurulmayıb. Fasilədən sonra tərəflər hərəyə 1 dəfə fərqləniblər. Qonaqlarda Markos Alonso, meydan sahiblərində isə Kriştianu Ronaldu qapını dəqiq nişan alıb - 1:1. Ardıcıl 3-cü oyununda qol vuran portuqaliyalı ulduz ümumilkdə bu mövsüm 17-ci dəfə rəqib qapıçıları məyus edib. O, bombardirlər yarışında Son Hın minə çatıb. Bu nominasiyada lider 22 qolla Məhəmməd Salahdır. Turnir cədvəlinə gəldikdə isə “Mançester Yunayted” 55 xalla 6-cı, “Çelsi” 66 xalla 3-cü pillədədir. Premyer liqaya 80 xala malik “Mançester Siti” başçılıq edir. “Liverpul” “şəhərlilər”dən 1 xal geri qalır.